పండుగలు ఎప్పటి మాదిరిగానే వచ్చాయి.. వెళ్లిపోయాయి.. కరోనా వైరస్‌ మహమ్మారి కారణంగా 2020లో ఎవ్వరు కూడా పండుగలు, పర్వదినాలు, పుట్టినరోజులు, పెండ్లి రోజులను ఆస్వాదించలేకపోయారు. ఎప్పుడు ఎవరి నుంచి కొవిడ్‌-19 వ్యాప్తిచెందుతుందో అన్న భయంభయంగానే గడిపాం. పండుగ రోజున కాస్తాంత సంతోషం కూడా మన పెదాలపై కనిపించలేదు. ఆత్మవిశ్వాసం ఉన్నా.. తలనొప్పులు ఎందుకులే అన్న రీతిలో ప్రతి ఒక్కరూ కొవిడ్‌ మార్గదర్శకాలను తూచా తప్పక పాటించారు. అయినప్పటికీ వేలాది మంది ప్రాణాలు కోల్పోగా.. లక్షలాది మంది కరోనాకు గురై ప్రాణాలు అరచేతిలో పెట్టుకుని బతికి బయటపడ్డారు. రేపటి నుంచి వచ్చే కొత్త సంవత్సరాన్ని ప్రేమతో స్వీకరించడానికి ఎదురుచూస్తున్నాం. శరీరాన్ని, మనస్సును ఆరోగ్యంగా ఉంచుకోవడం ఎలా అనేది 2020 మనకు నేర్పించిన ముఖ్య విషయాల్లో ఒకటి. ఈ నేపథ్యంలో 2021 లో మనం మానసికంగా, శారీరకంగా ఎలా ఆరోగ్యంగా ఉండొచ్చునో కొన్ని చిట్కాలు తెలుసుకుందాం.
ఆరోగ్యకరమైన ఆహారాన్ని తీసుకోండి..
మనం తినే ఆహారంపై శ్రద్ధ పెట్టడం చాలా అవసరం. షాపింగ్ జాబితాలో మనం ఆరోగ్యకరమైన జీవనశైలిని పొందేందుకు కావాల్సిన వస్తువులకే ప్రాధాన్యం ఇవ్వాలి. ఇలాంటి మార్పు, చేర్పులకు కొంత సమయం పట్టినా.. అవి మనల్ని ఆరోగ్యంగా ఉంచడంలో ఎంతగానో సహాయపడతాయి. ఒకేసారి మార్పు చేసుకోకుండా మెల్లమెల్లగా మార్పులను స్వాగతించాలి. ఉదయాన్నే తాజా గ్లాసు నిమ్మరసం లేదా గోరువెచ్చని నీటిని కొన్ని బాదంపప్పులతో ప్రారంభించడం చాలా ఉత్తమమైన పని అని మర్చిపోవద్దు. బాదం ప్రోటీన్ మన ఆరోగ్యానికి గొప్ప వనరు. ఇది పోషక శక్తి దిగుబడి మాత్రమే కాకుండా కండర ద్రవ్యరాశి పెరుగుదలకు, నిర్వహణకు దోహదం చేస్తుంది. బాదంపప్పులే ఆకలిని అరికట్టడానికి ఉపయోగపడి శరీరం బరువు పెరుగకుండా కాపాడుతుంది. చిరుతిండ్లకు పోకుండా మనల్ని కట్టేస్తుంది.
చురుకుగా ఉండండి ..
ఆరోగ్యంగా ఉండటానికి శారీరక శ్రమ, క్రమమైన వ్యాయామం దోహదం చేస్తాయి. ప్రతిరోజూ వ్యాయామం చేయడం, ఇంట్లో చిన్నచిన్న పనులు చేయడం అలవాటు చేసుకోవాలి. ఒక రోజులో కనీసం 8,000 నుంచి 10,000 అడుగులు వేయాలని లక్ష్యంగా పెట్టుకొని వాకింగ్‌ మొదలెట్టండి. శరీరాన్ని చురుకుగా ఉంచడానికి వారంలో ఐదు రోజులు 30 నిమిషాలపాటు వ్యాయామం చేయడం లేదా జుంబా లేదా డ్యాన్స్ సెషన్‌తో పూర్తి చేయడం అలవాటు చేసుకోవడం ద్వారా జిమ్‌లకు వెళ్లాల్సిన శ్రమ తప్పుతుంది. క్రమం తప్పకుండా ఇంటి వద్ద వ్యాయామం సాధన చేస్తే దీర్ఘకాలంలో అధిక కొలెస్ట్రాల్, కండర ద్రవ్యరాశి, ఊబకాయం, అధిక రక్తపోటు వంటి వయస్సు సంబంధిత సమస్యలను నివారించుకోవచ్చు. అంతేకాకుండా, దినచర్యలో క్రమమైన వ్యాయామాన్ని చేర్చడం వల్ల సంతోషకరమైన హార్మోన్‌ను విడుదల చేయడానికి సహాయపడుతుంది. ఇది మనల్ని రోజంతా ఉల్లాసంగా, శక్తివంతంగా ఉంచుతుంది.
మీతో మీరే కనెక్ట్ అవ్వండి ..
ప్రస్తుతం రోజువారీ జీవితాలు వేగవంతమైనవిగా, ఒత్తిడితో కూడుకున్నవిగా ఉంటున్నాయి. ఆరోగ్యంగా తినాలా లేదా సాధారణంగా మరింత నమ్మకంగా లేదా సంతోషంగా అనుభూతి చెందాలా..? మొదట దశలో సానుకూల సంబంధాన్ని పెంచుకోవడం అలవర్చుకోవాలి. చర్మ సంరక్షణ దినచర్యలతో విలాసపరుచుకోవడం చాలా ముఖ్యం. లక్ష్యాలు, ఆశయాలను గమనించడానికి ప్రకాశవంతమైన సైడ్ జర్నల్ కలిగి ఉండాలి. ఇది ధ్యానం, పుస్తకం చదవడం, ప్రదర్శనలను అతిగా చేయడం లేదా నిశ్శబ్దంగా కూర్చోవడం వంటి వాటి కోసం కొంత సమయాన్ని కేటాయించుకోండి. మొబైల్‌ ఫోన్లపై ఎక్కువ సమయం గడపడానికి బదులుగా.. ఆ సమయాన్ని కుటుంబసభ్యులు, స్నేహితులు, తోలి ఉద్యోగులతో గడపడానికి కేటాయించడం ద్వారా మిమ్మల్ని మీరు ఉల్లాసంగా ఉంచుకోవడమే కాకుండా మానసికంగా బంధం పెంచుకోవడానికి ఉపయోగపడుతుంది.
ప్రకృతితో మమేకమవ్వండి..
ఎప్పుడూ ఉద్యోగం, వ్యాపారాలు, వ్యవహారాలు కాకుండా కుటుంబసభ్యులు, స్నేహితులతో కలిసి ప్రకృతిని ఆస్వాదించేందుకు సమయం కేటాయించండి. మరీ లాంగ్‌ జర్నీ చేయకుండా మీకు దగ్గర్లోని కొండలు, గుట్టలు, పార్కులు, పొలాల వద్దకు వనభోజనం మాదిరిగా ప్లాన్‌ చేసుకోండి. నెలలో కనీసం ఒక్కసారైనా ఇలా వెళ్లడం అలవాటు చేసుకుంటే మానసికంగా దృఢత్వం సాధిస్తారని ఖచ్చితంగా చెప్పవచ్చు. అలాగే, నలుగురిలో మెలిగే తీరు, మన సమస్యలకు పరిష్కారాలను కూడా దొరుకబుచ్చుకోవచ్చు. సో 2021 లో మీ కోసం.. మీ కుటుంబం కోసం.. మీ స్నేహితుల కోసం సమయం కేటాయించండి.. ఆరోగ్యంగా, మానసికంగా దృఢంగా ఉండండి.