మిలటరీ ఇంజినీరింగ్‌ సర్వీసెస్‌లో ఖాళీగా ఉన్న పోస్టుల భర్తీకి నోటిఫికేషన్

హైదరాబాద్‌: ఇండియన్‌ ఆర్మీలోని ఇంజినీరింగ్‌ విభాగమైన మిలటరీ ఇంజినీరింగ్‌ సర్వీసెస్‌ (ఎంఈఎస్‌)లో ఖాళీగా ఉన్న పోస్టుల భర్తీకి నోటిఫికేషన్‌ విడుదలయ్యింది. ఆసక్తి, అర్హత కలిగిన అభ్యర్థులు దరఖాస్తు చేసుకోవాలని కోరింది. ఆన్‌లైన్‌ అప్లికేషన్లు వచ్చే నెల 12 వరకు అందుబాటులో ఉంటాయని వెల్లడించింది. ఈ నోటిఫికేషన్‌ ద్వారా 502 డ్రాట్స్‌మ్యాన్‌, సూపర్‌వైజర్‌ బ్యారక్‌ స్టోర్‌ పోస్టులను భర్తీ చేయనుంది. రాత పరీక్ష ద్వారా అభ్యర్థులను ఎంపికచేస్తుంది.
మొత్తం పోస్టులు: 502
ఇందులో డ్రాట్స్‌మ్యాన్‌-52, సూపర్‌వైజర్‌ 450 చొప్పున ఖాళీలు ఉన్నాయి.
అర్హత: డ్రాట్స్‌మ్యాన్‌ పోస్టులకు ఆర్కిటెక్చురల్‌ అసిస్టెంట్‌షిప్‌లో మూడేండ్ల డిప్లొమా చేసి ఉండాలి. సూపర్‌వైజర్‌ పోస్టులకు ఎకనమిక్స్‌, కామర్స్‌, స్టాటిస్టిక్స్‌, బిజినెస్‌ స్టడీస్‌, పబ్లిక్‌ అడ్మినిస్ట్రేషన్‌ కోర్సుల్లో ఏదో ఒకటి చేసి ఉండాలి. దీంతోపాటు సంబంధిత రంగంలో రెండేండ్ల అనుభవం ఉండాలి. అభ్యర్థులు 18 నుంచి 30 ఏండ్ల మధ్య ఉండాలి.
ఎంపిక ప్రక్రియ: రాతపరీక్ష ద్వారా. పరీక్షలో 50 శాతం మార్కులు తప్పనిసరిగా రావాలి. ఎస్సీ, ఎస్టీ, ఓబీసీ అభ్యర్థులకు 40 శాతం మార్కులు రావాలి.
అప్లికేషన్‌ ఫీజు: రూ.100, మహిళలు, ఎస్సీ, ఎస్టీ, పీడబ్ల్యూడీ, ఈఎస్‌ఎం అభ్యర్థులకు ఎలాంటి ఫీజు లేదు.
దరఖాస్తు విధానం: ఆన్‌లైన్‌లో
దరఖాస్తులకు చివరితేదీ: ఏప్రిల్‌ 12
రాత పరీక్ష: మే 16
వెబ్‌సైట్‌:https://mes.gov.in లేదా https://www.mesgovonline.com