కేసీఆర్ సరికొత్త వ్యూహం తో బీజేపీ, కాంగ్రెస్ లకు దిమ్మతిరిగే మాస్టర్ ప్లాన్..

దుబ్బాక,జీహెచ్​ఎంసీ ఎన్నికల్లో ఆశించిన ఫలితాలు రాకపోవడంతో టీఆర్ఎస్​ అధినేత కేసీఆర్​ అంతర్మథనంలో ఉన్నట్టు సమాచారం.ఈ నేపథ్యంలో ఎలాగైనా బీజేపీ ఎత్తులను చిత్తు చేయాలని.. ప్రజలు మనసులు గెలుచుకోవాలని కేసీఆర్​ చూస్తున్నారట. రాష్ట్రంలో అనూహ్యంగా బీజేపీ పుంజుకోవడంతో కేసీఆర్​ కొంత టెన్షన్​ పడుతున్నారట. ఇందుకోసం పక్కా వ్యూహాలకు పదునుపెడుతున్నారట. వ్యూహాలు రచించడం.. ప్రత్యర్థులను ఇరుకునపెట్టడంలో కేసీఆర్​ దిట్ట. అందుకే ఇంతకాలం పాటు రాష్ట్రంలో టీఆర్​ఎస్​కు ఎదురులేకుండా పోయింది. అయితే ఇటీవల బీజేపీ పుంజుకోవడం టీఆర్​ఎస్​ శ్రేణులను నిరాశకు గురిచేసింది. దుబ్బాకలో ఓడిపోయినప్పటికీ.. గ్రేటర్​ హైదరాబాద్​లో ఘనవిజయం సాధిస్తామని టీఆర్​ఎస్​ భావించింది. కానీ అక్కడ కూడా దెబ్బ పడింది. ప్రజలు మాత్రం వినూత్న తీర్పు ఇచ్చారు.
గత అసెంబ్లీ ఎన్నికల్లో గెలిచిన చాలా నియోజకవర్గాల్లో టీఆర్​ఎస్​ వెనకబడిపోయింది. మంత్రులను ఇంచార్జిలుగా నియమించినప్పటికీ టీఆర్​ఎస్​కు ఆశించిన ఫలితాలు రాలేదు. అయితే ఇప్పుడు కేసీఆర్​ టీఆర్​ఎస్​ పార్టీని మరింత బలోపేతం చేయాలని భావిస్తున్నడట. అంతేకాక మంత్రివర్గ విస్తరణ కూడా చేపట్టబోతున్నట్టు సమాచారం. ఇప్పుడున్న చాలామంది మంత్రులకు ఉద్వాసన పలికి కొత్తవారిని తీసుకోబోతున్నట్టు సమాచారం. పార్టీ ప్రక్షాళన చేయబోతున్నట్టు సమాచారం. కేసీఆర్​ జాతీయ రాజకీయాలపై ఫోకస్​ పెట్టబోతున్నారట.
ముఖ్యమంత్రిగా ఆయన తనయుడు, మంత్రి కేటీఆర్​ ప్రమాణ స్వీకారం చేయబోతున్నట్టు సమాచారం. ఇటీవల మహబూబాబాద్​ ఎమ్మెల్యే రెడ్యా నాయక్​ మాట్లాడుతూ.. త్వరలోనే సీఎంగా కేటీఆర్​ ప్రమాణ స్వీకారం చేయబోతున్నారని అన్నారు. ప్రస్తుతం ఉన్న మంత్రుల్లో చాలామందికి ఉద్వాసన తప్పదట. అంతేకాక ప్రస్తుతం మంత్రులగా ఉన్న ఈటల రాజేందర్​, హరీశ్​రావుకు పార్టీలో కీలక బాధ్యతలు అప్పగించనున్నట్టు వార్తలు వస్తున్నాయి. వాళ్లను పార్టీ వర్కింగ్​ ప్రెసిడెంట్లుగా నియమించబోతున్నారట.
మరోవైపు కవితను క్యాబినెట్​లోకి తీసుకోబోతున్నట్టు వార్తలు వస్తున్నాయి. ప్రస్తుతం సీఎం కేసీఆర్​ ఆరోగ్యం పూర్తిస్థాయిలో సహకరించడం లేదని సమాచారం. ఈ క్రమంలో సీఎం కేసీఆర్​ ప్రజల్లోకి వెళ్లడం సాధ్యం కాకపోవచ్చు. అందుకే కేటీఆర్​కు ఆ బాధ్యతలు అప్పజెప్పనున్నట్టు టాక్​. మరోవైపు ఈటల రాజేందర్​, హరీశ్​రావు కూడా రాష్ట్ర వ్యాప్తంగా పర్యటించి అన్ని జిల్లాల్లో పార్టీలకు నూతన కమిటీలు వేసి.. పార్టీని మరింత బలోపేతం చేయనున్నట్టు సమాచారం.