బిగ్ బాస్ లో తన కామెడీ తో అందరినీ ఆకట్తుకున్న జబర్దస్త్ కమెడియన్ అవినాష్ ఓ ఇంటి వాడు కాబోతున్నాడు. ఇప్పటికే చాలా మంది ఈ ఏడాది పెళ్లి చేసుకున్నారు. ఇప్పుడు ఈయన కూడా పెళ్లి చేసుకోబోతున్నాడు. 30 ఏళ్ల అవినాష్ త్వరలోనే పెళ్లి చేసుకోబోతున్నట్లు ప్రకటించాడు. అది కూడా కోట్లాది మంది ముందు అనౌన్స్ చేసాడు తన పెళ్లి గురించి. బిగ్ బాస్ 4 ఫినాలే స్టేజీపై తాను త్వరలోనే ఓ ఇంటివాడు కాబోతున్నట్లు చెప్పాడు. ఏడేళ్లుగా జబర్దస్త్ లో ఎంతో గుర్తింపు సంపాదించుకున్న ఈయన.. బిగ్ బాస్ లోకి వెళ్లి తనను తాను కొత్తగా ఆవిష్కరించుకున్నాడు. అక్కడ దాదాపు 80 రోజులకు పైగానే ఉన్న ఈయన.. తనలోని మరో మనిషిని ఆడియన్స్ కు పరిచయం చేసాడు. ఇన్నేళ్లుగా ఆయనలో తెలియని మనిషి ఇప్పుడు ప్రేక్షకులకు పరిచయం అయ్యాడు. తాను కూడా జబర్దస్త్ లాంటి స్టేజీని వదిలేసి అక్కడికి రావడానికి కారణం అదేనని చెప్పుకొచ్చాడు అవినాష్. ఈయన బిగ్ బాస్ నుంచి దాదాపు 40 లక్షల వరకు సంపాదించుకున్నాడని తెలుస్తుంది. ఇదిలా ఉంటే ఇప్పుడు ఈయన పెళ్లి పీటలెక్కబోతున్నాడు. నీకు పిల్లనెవరూ ఇస్తారయ్యా అంటూ చాలాసార్లు ఆట పట్టించాడు నాగార్జున. అయితే తాను 2021 సమ్మర్‌లో తాను కూడా పెళ్లి చేసుకుంటాను అంటూ చెప్పేసాడు అవినాష్. ఈయన నమ్మకం చూస్తుంటే ఇప్పటికే అమ్మాయిని కూడా చూసుకున్నాడేమో అనిపిస్తుంది. కొందరు అయితే ఏకంగా అరియానానే పెళ్లి చేసుకోబోతున్నాడంటూ ప్రచారం కూడా మొదలు పెట్టారు. ఇద్దరి మధ్య మంచి అనుబంధం ఉంది.బిగ్ బాస్ హౌజ్ లో ఉన్నపుడు అందరికంటే ఎక్కువగా అరియానాతోనే ఉన్నాడు అవినాష్. ఆమె ఒక్క క్షణం కనిపించకపోతే పిచ్చెక్కిపోయాడు. అరియానా కూడా అంతే. అవినాష్ కంటే తనకు ఎవరూ ఎక్కువ కాదని చాలాసార్లు చెప్పింది. బయటికి వచ్చిన తర్వాత చాలా విషయాలు మాట్లాడాలి నీతో అంటూ అప్పట్లో చెప్పింది కూడా. దాంతో ఇప్పుడు అవినాష్ చూసుకున్న అమ్మాయి అరియానానే అనే వార్తలు కూడా వస్తున్నాయి. ఒకరినొకరు బాగా అర్థం చేసుకున్నారు.. ఇంతమంచి అనుబంధాన్ని పెళ్లిగా మార్చుకుంటే తప్పేంటి అనే వాళ్లు కూడా ఉన్నారు. ఏదేమైనా కూడా అవినాష్ పెళ్లి హాట్ టాపిక్ అయిపోయింది. మరి ఆ అమ్మాయి ఎవరో కూడా చెప్తేస్తే ఓ పనైపోతుంది.
