తెలంగాణ‌లో మే 1 వ‌ర‌కు నైట్ క‌ర్ఫ్యూ

తెలంగాణ‌లో మే 1 వ‌ర‌కు నైట్ క‌ర్ఫ్యూ

హైద‌రాబాద్ : క‌రోనా మ‌హ‌మ్మారి ఉధృతి దృష్ట్యా తెలంగాణ ప్ర‌భుత్వం కీల‌క నిర్ణ‌యం తీసుకుంది. ఇవాళ్టి నుంచి మే 1వ తేదీ ఉద‌యం 5 గంట‌ల వ‌ర‌కు రాష్ర్టంలో రాత్రి క‌ర్ఫ్యూ విధించాల‌ని ప్ర‌భుత్వం నిర్ణ‌యించింది. ఈ మేర‌కు ప్ర‌భుత్వం ఉత్త‌ర్వులు జారీ చేసింది. క‌ర్ఫ్యూ నుంచి అత్య‌వ‌స‌ర స‌ర్వీసులు, పెట్రోల్ బంక్‌లు, మీడియాకు మిన‌హాయింపు ఇచ్చారు. రాత్రి 9 గంట‌ల నుంచి ఉద‌యం 5 గంట‌ల వ‌ర‌కు నైట్ క‌ర్ఫ్యూ అమ‌ల్లో ఉండ‌నుంది. నిబంధ‌న‌లు ఉల్లంఘించిన వారిపై చ‌ట్ట‌ప‌ర‌మైన చ‌ర్య‌లు తీసుకోనున్నారు.

యువ భారత్ శక్తి ఫౌండేషన్ ఆధ్వర్యంలో అవయవదాన కార్యక్రమం

యువ భారత్ శక్తి ఫౌండేషన్ ఆధ్వర్యంలో అవయవదాన కార్యక్రమం

సత్తుపల్లి,తీస్మార్ న్యూస్:యువ భారత్ శక్తి ఫౌండేషన్ ఆవిర్భావ దినోత్సవం సంధర్భంగా సంస్థ ఆధ్వర్యంలో ఈరోజు అవయవదాన అంగీకార కార్యక్రమం చేపట్టినట్టు సంస్థ ప్రతినిధి క్రాంతి తెలిపారు. అన్ని దానములలో అవయవ దానం గొప్పది అని మనం పెట్టే ఒక్క సంతకం వల్ల మున్ముందు కొన్ని కుటుంబాలని ఆదుకున్న వారిమి అవుతామని ఆసక్తి ఉన్న వారు ఈ కార్యక్రమంలో భాగమవ్వాలని ఆయన కోరారు.అవయవదానం చేయాలని అనుకునే వారు ఈ క్రింది లింక్  ద్వారా రిజిస్టర్ అవ్వాలని విజ్ఞప్తి చేశారు. https://docs.google.com/forms/d/e/1FAIpQLSciu5u_PGmZ7gtRqvDs5ys4BBC1Ip9Cu0o0CtWiStUzGW-fZQ/viewform

చ‌రిత్ర‌లో ఈరోజు

చ‌రిత్ర‌లో ఈరోజు

ఉత్త‌ర అట్లాంటిక్ మ‌హా స‌ముద్రంలో మంచుకొండ‌ను ఢీకొట్టి రెండు ముక్కలైన టైటానిక్ నౌక‌.. 1912 లో సరిగ్గా ఇదే రోజున మునిగిపోయింది. నౌక‌లోని దాదాపు 1500 మంది దుర్మ‌ర‌ణం పాల‌య్యారు. ఈ నౌక బ్రిటన్‌లోని సౌతాంప్టన్ నౌకాశ్రయం నుంచి న్యూయార్క్ వెళ్తుండ‌గా ఈ ఘోర ప్ర‌మాదం సంభ‌వించింది. దీని క‌థ‌ను ఆధారంగా చేసుకుని 1997 లో టైటానిక్ అనే సినిమాను కూడా నిర్మించారు. ఈ సినిమాలో ఆరోజో జ‌రిగిన ఘ‌ట‌న‌ల‌ను కండ్ల‌కు క‌ట్టిన‌ట్లు చూపించారు. టైటానిక్ 20 వ శతాబ్దం ప్రారంభంలో ఇంగ్లండ్ ఓడల నిర్మాణ సంస్థ వైట్ స్టార్ లైన్ నిర్మించింది. దీని నిర్మాణం 1909 లో ప్రారంభమై.. 1912 లో పూర్తయింది. దీనికి 1912 ఏప్రిల్ 2 న సముద్ర పరీక్ష నిర్వ‌హించారు. అనంత‌రం త‌న‌ మొదటి ప్రయాణాన్ని ప్రారంభించిన ఈ నౌక అనూహ్యంగా ఉత్త‌ర అట్లాంటిక్ మ‌హాస‌ముద్రంలో ఉన్న పెద్ద మంచుకొండ‌ను గుర్తించలేక‌ దానిని ఢీకొట్టింది. ఏప్రిల్...

రాష్ట్రంలో కొత్తగా 2,478 కరోనా కేసులు

రాష్ట్రంలో కొత్తగా 2,478 కరోనా కేసులు

హైదరాబాద్‌ : తెలంగాణలో కరోనా మహమ్మారి విజృంభిస్తోంది. ఇటీవల వరుసగా రోజు వారీ కేసుల సంఖ్య పెరుగుతూ వస్తున్నది. గడిచిన 24 గంటల్లో రాష్ట్రంలో 2,478 పాజిటివ్‌ కేసులు నమోదయ్యాయని రాష్ట్ర వైద్య ఆరోగ్యశాఖ శుక్రవారం హెల్త్‌ బులిటెన్‌లో తెలిపింది. మహమ్మారి బారినపడి మరో ఐదుగురు వ్యక్తులు మృత్యువాతపడ్డారు. తాజాగా 363 మంది బాధితులు కోలుకొని ఇండ్లకు వెళ్లారు. రాష్ట్రంలో యాక్టివ్‌ కేసుల సంఖ్య 15వేలు దాటింది. ప్రస్తుతం 15,472 క్రియాశీల కేసులున్నాయని, 9,674 మంది బాధితులు హోం ఐసోలేషన్‌లో ఉన్నారు. తాజాగా నమోదైన కేసుల్లో 402 హైదరాబాద్‌ జీహెచ్‌ఎంసీ పరిధిలోనే ఉన్నాయి. కొత్తగా నమోదైన కేసులతో రాష్ట్రంలో మొత్తం కేసులు 3.21 లక్షలకు చేరగా.. ఇప్పటి వరకు 3.03లక్షల మంది కోలుకున్నారు. మరో 1,746 మంది మహమ్మారి బారినపడి ప్రాణాలు కోల్పోయారు.

కరోనా కట్టడికి ప్రజలు ప్రతిక్షణం అప్రమత్తంగా ఉండండి : సీఎం కేసీఆర్

కరోనా కట్టడికి ప్రజలు ప్రతిక్షణం అప్రమత్తంగా ఉండండి : సీఎం కేసీఆర్

దేశవ్యాప్తంగా కరోనా తిరిగి వ్యాప్తిచెందుతున్న నేపథ్యంలో, ప్రభుత్వ నిబంధనలను పాటిస్తూ మాస్కులు ధరించి సునిశిత జాగ్రత్తలు పాటించాలని, కరోనా కట్టడికోసం ప్రతి క్షణం అప్రమత్తంగా ఉండాలని ముఖ్యమంత్రి శ్రీ కె. చంద్రశేఖర్ రావు రాష్ట్ర ప్రజలను కోరారు. మన రాష్ట్రంలో ముఖ్యంగా జనం రద్దీగా వుండే ప్రాంతాలు హైదరాబాద్, రంగారెడ్డి, మేడ్చల్ జిల్లాల ప్రజలతో పాటు కార్పోరేషన్లు, మున్సిపాలిటీల ప్రజలు కరోనా పట్ల మరింత అప్రమత్తతతో మెలగాలని సీఎం సూచించారు. ఇవాళ ప్రధానమంత్రి శ్రీ నరేంద్ర మోడి నిర్వహించిన సీఎంల వీడియో కాన్ఫరెన్స్ లో సీఎం శ్రీ కేసీఆర్ పాల్గొన్నారు. అనంతరం వైద్య, ఆరోగ్య శాఖ అధికారులతో, రాష్ట్రంలో నెలకొన్న కరోనా పరిస్థితులపై సీఎం సమీక్ష నిర్వహించారు. ఈ సమీక్షా సమావేశంలో మంత్రులు శ్రీ ఈటల రాజేందర్, శ్రీమతి సత్యవతి రాథోడ్, ఎమ్మెల్యేలు శ్రీ పెద్ది సుదర్శన్ రెడ్డి, శ్రీ హర్షవర్ధన్ రెడ్డి, ప్రభుత్వ ముఖ్య సలహాదారు శ్రీ రాజీవ్ శర్మ,...

వరంగల్ తూర్పు అభివృద్ది..

వరంగల్ తూర్పు అభివృద్ది..

ముఖ్యమంత్రి కేసీఆర్ గారి నాయకత్వంలో హైదరాబాద్ తర్వాత అతిపెద్ద నగరమైన వరంగల్ ను అభివృద్ది చేసే దిశగా 2016 లో రాష్ట్ర చరిత్రలో ఏటా 300 కోట్ల రూపాయలను వరంగల్ కు కేటాయించడం జరిగింది..ఆ సమయంలో నేను మేయర్ గా ఉండటం జరిగింది.900 కోట్ల నిదులతో అభివృద్ది,మార్కెట్ లు,ఇంటిగ్రేటెడ్ మార్కెట్,రోడ్లు డ్రైనేజీలు,స్మశానవాటికలు,కమ్యూనిటి హాల్స్ ఏర్పాటు చేసాం..మున్సిపల్ నిదులతో నగరమంతా 3000 కోట్ల నిదులతొ అభివృద్ది చేపట్టాం.. వరంగల్ తూర్పు నియోజకవర్గంలో వరంగల్ గ్రేయిన్ మార్కెట్ లో పనిచేసేవారంతా వరంగల్ తూర్పు నియోజకవర్గం వారు..ఇక్కడున్న ప్రజలకు పేదరికం తో ఉన్న ప్రజలే 80% ఉన్నారు.వారి జీవితాల్లో వెలుగులు నింపాలన్న సంకల్పంతో అభివృద్ది కార్యక్రమాలు చేపట్టాం.. గేటు ఇవతల ప్రాంత ప్రజల చిరకాల కల అయిన అండర్ బ్రిడ్జ్ విస్తరణ పూర్తిచేసాం, ఖిలావరంగల్ అగర్తలా నుండి వర్షపు నీరుకు శివనగర్ మునిగి పోకుండా 41 కోట్లతో పనులు చేపట్టాం.. ఆర్వోబి విస్తరణలో ఇండ్లు కోల్పోయిన...

ప్రైవేట్ విద్యాసంస్థల టీచర్లు,సిబ్బందికి సీఎం కేసీఆర్ శుభవార్త,.!

ప్రైవేట్ విద్యాసంస్థల టీచర్లు,సిబ్బందికి సీఎం కేసీఆర్ శుభవార్త,.!

కరోనా నేపథ్యంలో రాష్ట్రంలోని విద్యాసంస్థలను తాత్కాలికంగా మూసివేయడంతో ఇబ్బందులు ఎదుర్కుంటున్న, గుర్తింపు పొందిన ప్రయివేట్ విద్యాసంస్థల ఉపాధ్యాయులు, ఇతర సిబ్బందికి నెలకు రూ. 2000 ఆపత్కాల ఆర్ధిక సాయంతో పాటు కుటుంబానికి 25 కేజీల బియ్యాన్ని రేషన్ షాపుల ద్వారా సరఫరా చేయాలని ముఖ్యమంత్రి శ్రీ కె. చంద్రశేఖర్ రావు నిర్ణయించారు. ఇందుకు సంబంధించి ప్రయివేటు విద్యాసంస్థల్లో పనిచేస్తున్న ఉపాధ్యాయులు, సిబ్బంది తమ బ్యాంకు అకౌంటు, వివరాలతో స్థానిక జిల్లా కలెక్టర్లకు దరఖాస్తు చేసుకోవాల్సి వుంటుందని సీఎం తెలిపారు. ఇందుకు గాను, విద్యాశాఖ అధికారుల సమన్వయం చేసుకుంటూ విధివిధానాలను ఖరారు చేయాల్సిందిగా ఆర్ధిక శాఖ కార్యదర్శి శ్రీ రామకృష్ణారావును సీఎం ఆదేశించారు. ప్రయివేటు విద్యాసంస్థల ఉపాధ్యాయులు ఇతర సిబ్బంది కుటుంబాలను మానవీయ దృక్ఫథంతో ఆదుకోవాలని ప్రభుత్వం ఈ నిర్ణయం తీసుకున్నదని సీఎం తెలిపారు. ఈ నిర్ణయంతో రాష్ట్రంలో గుర్తింపు పొందిన ప్రయివేటు విద్యాసంస్థల్లో పనిచేస్తున్న దాదాపు 1 లక్షా 45 వేల...

ప్రతీ గ్రామ పంచాయతీకి ఇంటర్‌నెట్‌ కనెక్టివిటీ :మంత్రి కేటీఆర్

ప్రతీ గ్రామ పంచాయతీకి ఇంటర్‌నెట్‌ కనెక్టివిటీ :మంత్రి కేటీఆర్

హైదరాబాద్‌ : ఆగస్టు నాటికి ప్రతీ గ్రామ పంచాయతీకి ఇంటర్‌నెట్‌ కనెక్టివిటీ అందించనున్నట్లు రాష్ట్ర ఐటీశాఖ మంత్రి కేటీఆర్‌ తెలిపారు. తెలంగాణ ఫైబర్‌ గ్రిడ్‌ కార్పొరేషన్‌ బోర్డు సమావేశం గురువారం జరిగింది. ఈ భేటీలో మంత్రి కేటీఆర్‌తో పాటు ఐటీ, ఆర్థికశాఖ, మిషన్‌ భగీరథ శాఖల ఉన్నతాధికారులు పాల్గొన్నారు. ఈ సందర్భంగా మంత్రి కేటీఆర్‌ మాట్లాడుతూ..టి-ఫైబర్‌ పరిధిని పట్టణ ప్రాంతాలకూ విస్తరిస్తామన్నారు. అధికారులు జీహెచ్‌ఎంసీలో సర్వే చేసి నివేదిక ఇవ్వాలన్నారు. పట్టణాల్లోని ప్రతి ఇంటికి బ్రాడ్‌ బ్యాండ్‌ చేరుకోవాలన్నారు. జూన్‌ నుంచి 30 వేల ప్రభుత్వ కార్యాలయాలకు టి-ఫైబర్‌ కనెక్షన్‌ అందుబాటులోకి రానున్నట్లు తెలిపారు. రైతు వేదికలను టి-ఫైబర్‌తో అనుసంధానిస్తామన్నారు. ఈ క్రమంలో ప్రయోగాత్మకంగా ఇప్పటికే 5 రైతు వేదికలను టి-ఫైబర్‌తో అనుసంధానించినట్లు చెప్పారు. ప్రతి రైతుకూ ఇంటర్నెట్‌ ఫలాలు అందించాలన్నారు.మిషన్‌ భగీరథ పనులు పూర్తయిన గ్రామీణ ప్రాంతాల్లో టి-ఫైబర్‌ పనులు పెద్దఎత్తున కొనసాగుతున్నట్లు మంత్రి పేర్కొన్నారు.

కరోనా వ్యాక్సిన్ వేసుకోండి.. అదొక్కటే మార్గం.. లేదంటే మరో ముప్పు తప్పుదు

కరోనా వ్యాక్సిన్ వేసుకోండి.. అదొక్కటే మార్గం.. లేదంటే మరో ముప్పు తప్పుదు

కరోనా మళ్లీ కల్లోలం రేపుతోంది. యావత్ దేశాన్ని వణికిస్తోంది. గత ఏడాదికి మించిన స్థాయిలో విజృంభిస్తోంది. వేలకు వేల కొత్త కేసులు బయటపడుతున్నాయి. మరి కరోనా కట్టడికి ఉన్న మార్గాలేంటి? వ్యాక్సిన్‌తోనే నిర్మూలించగలమా? లాక్‌డౌన్‌తో అడ్డుకోవాలా? అసలు కోవిడ్ పీడ విరగడవ్వాలంటే ఏం చేయాలి? కరోనా మళ్లీ కల్లోలం రేపుతోంది. యావత్ దేశాన్ని వణికిస్తోంది. గత ఏడాదికి మించిన స్థాయిలో విజృంభిస్తోంది. వేలకు వేల కొత్త కేసులు బయటపడుతున్నాయి. మరి కరోనా కట్టడికి ఉన్న మార్గాలేంటి? వ్యాక్సిన్‌తోనే నిర్మూలించగలమా? లాక్‌డౌన్‌తో అడ్డుకోవాలా? అసలు కోవిడ్ పీడ విరగడవ్వాలంటే ఏం చేయాలి? కోవిడ్ మహమ్మారి నుంచి బయటపడాలంటే టీకా ఒక్కటే మార్గమని.. దాని నుంచే 100శాతం రక్షణ ఉంటుందని ఏషియన్ ఇన్‌స్టిట్యూట్ ఆఫ్ గ్యాస్ట్రో ఎంటరాలజీ ఛైర్మన్ డి. నాగేశ్వర్ రెడ్డి తెలిపారు. ఈనాడు వార్తా పత్రికతో మాట్లాడిన ఆయన వ్యాక్సిన్ ప్రాధాన్యత గురించి వివరించారు. దేశంలో 18 ఏళ్లు నిండిన వారందరికీ...

పుర పోరుకు ఏర్పాట్లు వేగవంతం

పుర పోరుకు ఏర్పాట్లు వేగవంతం

రాష్ట్రంలో కొన్ని పురపాలక, నగరపాలక ఎన్నికలకు ఈ నెలలోనే నగారా మోగనుంది. నాగార్జునసాగర్‌ ఉప ఎన్నిక ఫలితాలకంటే ముందే వరంగల్‌, ఖమ్మం కార్పొరేషన్లు సహా ఐదు పురపాలక సంఘాలకు ఎన్నికలు పూర్తికానున్నాయి. ఈనెల 17న సాగర్‌ ఎన్నిక జరగనుంది. అంతకంటే ముందే ప్రకటన విడుదల చేసి ఈనెల 30న పుర ఎన్నికలు నిర్వహించడానికి రాష్ట్ర ఎన్నికల సంఘం ఏర్పాట్లు చేస్తోంది. సాగర్‌ ఓట్ల లెక్కింపు మే 2న జరగనుంది. ఈలోపే పుర ఎన్నికలు పూర్తికానున్నాయి. వరంగల్‌, ఖమ్మం నగరపాలక సంస్థలు, ఐదు పురపాలక సంఘాలతో పాటు జీహెచ్‌ఎంసీలోని లింగోజిగూడ డివిజన్‌ ఎన్నికలకు ఏర్పాట్లు పూర్తి చేయాలని రాష్ట్ర ఎన్నికల సంఘం కమిషనర్‌ సి.పార్థసారధి అధికారులను ఆదేశించారు. బుధవారం కలెక్టర్లు, అదనపు కలెక్టర్లు, పురపాలక కమిషనర్లతో ఆయన వీడియో కాన్ఫరెన్స్‌ నిర్వహించారు. పుర ఎన్నికల ప్రక్రియ మొదలైందని తెలిపారు. ఓటర్ల జాబితాల ప్రచురణ, పోలింగ్‌ కేంద్రాల గుర్తింపు ప్రక్రియకు నోటిఫికేషన్‌ ఇచ్చినట్లు తెలిపారు....